البنق Ping او Latency !! ماهو ؟؟ وما تأثيره على الأتصال ؟؟ وكيف يقاس ؟؟ وكيف انزله ؟؟

========================================
========================================

البلاي ستيشن او الكمبيوتر أو ....... إلخ حقك يتصل بالسيرفر
البلاي ستيشن او الكمبيوتر او ...... إلخ حقي يتصل بالسيرفر

نلاحظ انه الشي المشترك بيننا السيرفر

خلونا نعرف البنق

البنق بالأنجليزية ping او ما يسمى بـ LATENCY أي زمن التأخير

يقاس بالملي ثانيه ms اختصار الملي سكند

لو طلبت شي انا من السيرفر او اعطيته امر الساعه 2 و 30 دقيقه و 40 ثانيه و 545 جزء من الثانية وكان اللاتنسي او البنق عندي 1150 ملي سكند وش بيصير ومتى راح يوصل للسيرفر انه فيه واحد اسمه شيزون طلب هالأمر
راح يوصل للسيرفر الساعه 2 و 30 دقيقه و 41 ثانيه و 695 جزء من الثانيه

نلاحظ صار فيه فرق بين طلبي ووصوله للسيرفر والفرق هو ثانيه و 150 جزء من الثانية
الفرق هذا هو اللاتنسي او البنق
وانا في المثال قلت انه البنق عندي 1150 ms ومعروف انه التحويل من الملي ثانية الى الثانية يقسم على 1000 يعني 1150 ms نقسمها على 1000 بيعطينا 1.15 ثانية

بالمختصر انه امري او طلبي يحتاج على شان يوصل للسيرفر ثانية و 15 جزء من الثانية

طيب ممكن واحد منكم يقول التأخير بس ثانية عادي ما راح يأثر

هو صح ما راح يأثر لو انك طالب تفتح موقع مثلاً ياهو او موقعنا موقع البوابة الرقمية لو تأخر ثانية عادي وش بيصير
لكن في الألعاب السريعه لا راح تفرق معك وبقوه

وهذا مثال للعبة ريزيستنس ومعروف انه اللعبة لعبة منظار اول (( امش واقتل )) وراح يوضح الفرق اللي بيصير

فالنفرض مشغلين اللعبه وقاعدين في خريطه انا وياك وقاعدين قدام بعض وكل واحد معه رشاش
وانا البنق عندي 300 ms وانت البنق عندك 150 ms

وفي نفس الوقت الحقيقي يعني مثلاً كلنا الساعه 10 و 50 دقيقه و 500 جزء من الثانيه ضغطنا زر إطلاق الرصاص وش بيصير ؟؟

اللي بيصير انه صاحب البنق الأقل راح توصل طلقته قبل صاحب البنق العالي يعني انت راح توصل طلقتك قبلي ومعناته انا بموت قبلك

لأنه السيرفر راح يستجيب للأمر حقك امر الأطلاق الساعه 10 و 50 دقيقه و 650 جزء من الثانية
وانا راح يستجيب السيرفر لطلب الأطلاق حقي الساعة 10 و 50 دقيقه و 800 جزء من الثانية
وبكذا انا راح اموت وانت راح تظل حي ترزق [فقط الأعضاء المسجلين يمكنهم رؤية الروابط. ]

نستنتج انه الأشياء اللي تحتاج سرعة عالية هي اللي يأثر عليها البنق ولكن فيه اللعاب ما يهم فيها البنق لأنه اللعبه لاتعتمد على من يعطي الأمر اولاً

========================================
========================================

نجي لطريقة قياس البنق
فيه عدة طرق فيه اللعاب توضح لك البنق عندك كم وفيه عن طريق جهاز الكمبيوتر

عندك موقع [فقط الأعضاء المسجلين يمكنهم رؤية الروابط. ] يقيس لك السرعة والبنق او زمن التأخير

شوفوا هذا اختبار اجريته في الموقع لسيرفر بالرياض

[فقط الأعضاء المسجلين يمكنهم رؤية الروابط. ]

نشوف انه البنق او زمن التأخير 108 ms يعني لو بطلب شي من السيرفر هذا حق الرياض بيوصل طلبي بعد 108 حزء من الثانيه

لكن لو تلاحظون انه حنا ما راح نلعب في هذا السيرفر يعني لعبة ريزيستنس ما ادري السيرفر وين موقعه ولكن فالنفرض انه في لندن

خلونا نقيس البنق لسيرفر في لندن ونشوف وش النتيجه اللي بيعطيني اياها

[فقط الأعضاء المسجلين يمكنهم رؤية الروابط. ]

نلاحظ انه البنق عندي زاد الى 251 ms يعني انا اذا طلبت امر من السيرفر هذا اللي في لندن راح يتأخر طلبي الى ان يوصل 251 ملي ثانية يعني تقريباً ربع ثانية

وهناك طريقة اخرى لقياس البنق
في الوندوز تروح لأبداء Start >>> تضغط على الأمر تشغيل >>> RUN
تكتب في الخانة الفاضية cmd

راح تفتح لك الشاشة السوداء
اكتب الأمر
ping [فقط الأعضاء المسجلين يمكنهم رؤية الروابط. ]
راح تطلع لك النتيجة مشابهه للشكل هذا

نلاحظ انه سوا اربع اختبارات واعطى متوسط للبنق يساوي Average = 496ms

========================================
========================================

نجي لأخر نقطة
وش الشي اللي يأثر على البنق يعني مثلاً واحد يقول البنق عندي عالي ابي انزلة كيف ؟

للأسف هالشي هذا موب زي السرعة تتصل على الأتصالات وتقولهم نزلوا لي البنق او ارفعوه لي

سرعة الأتصال راح يكون لها تأثير بسيط جداً ولكن التأثير القوي يكون في سعة الباندويث والبنية التحتية السليمة من نقطة الأنطلاق (( جهازك )) الى نقطة الوصول (( السيرفر )) وبعد النقطة اللي تطلبها ايضاً لها تأثير قوي يعني لما تطلب شي من سيرفر في امريكا ما راح يكون افضل من انك تطلب شي من سيرفر في الرياض وهالشي شفناه في الأختبارين اللي سويناها فوق وورينكم الفرق بين سيرفر الرياض وسيرفر لندن

========================================
========================================
والشكر موصول للاخ
S H E Z O N

[فقط الأعضاء المسجلين يمكنهم رؤية الروابط. ]

نقل جيد ورائع ..

ملعومات مفيدة ..

يسلمووووو ..