تايلاند المدهشة .. على قولتهم اميزينج تايلاند ..

حبة رز · #1 03-28-2008, 06:19 PM

بسم الله الرحمن الرحيم

السلام عليكم ورحمة الله وبركاته

مرحبا بكل الأعضاء والزوار ..

تعالوا نسافر في جولة صغنتوتة جداً ..

على تايلند .. اممممممممممممم

الموضوع مدعم بصور لطيفة وحلوة ..

وانتوا شوفوا واحكموا ..

وبسراحة يستحق ان الواحد يزورها ..

والناس اللي عندهم .. جدا ً محترمين وطيبين ..

ويعرفوا ايش يعني مسلمين .. ويعرفوا برضه اننا ما ناكل لحم خنزير ..

الموهوم .. نتفرج على الصور ..

أول ما توصلوا مطار بانكوك الدولي الجديد .. واللي اسمه سوان نافوم ..

الموهوم وتخرجوا من المطار بتلقوا لوحات كبيرة على الكبري .. يقولكم ..

حبة رز · 03-28-2008, 06:27 PM

صور من شوارع العاصمة تايلند ..

شفته دا الدباب ابو 3 كفرات ..

على فكرة أقاربي اللي بتايلاند يتريقوا عليا .. لاني عمري ما ركبته اخاف منه ..

ولد خالتي نكت عليا قالي : اللي يجي تايلاند وما يركب الطوقطوق ما كأنه جاء تايلاند ..

وبعدين اتشجعت وركبته ... والله مرة حلوووو ..

حبة رز · 03-28-2008, 06:35 PM

شوفوا كيف التكاسي كيف حلوة تفتح النفس .. ملونة .. وروعة ..

اصفر و أحمر وأخضر وأزرق و بمبي و برتقالي .. وكل الألوان ..

حبة رز · 03-28-2008, 07:18 PM

وعلى فكرة عندهم مساجد .. في كل مدينة .. وهذا المسجد في العاصمة بانكوك ..

على طريق المطار ..وفي مسجد تاني بعده وإسمه مسجد العلوم .. وهو على نفس ..

الطريق اللي يودي على المطار .. ولو عملتوا U-turn ورجعتوا على الطريق المعاكس ..

بتلقوا مطعم إسمه مطعم الهلال .. حق مسلمين .. مررررررررة حلوو .. وبالليل بعملوا بوفيه ..

يعني انت تشوي بنفسك وتاكل لمن تشبع .. وحسابهم .. النفر ب 10 ريال = 100 بات تايلندي ..

يا بلااااااااااااااش فيه ايس كريم .. وفواكه .. وكل مالذ وطاب ..من جد يستحق الزيارة ..

أما المشروبات زي الموية والثلج حسابه غير منفصل ..

شوفوا .. حريم وبنات .. يسوقوا دبابات .. وربي فلللللللة ..

أذكر مرة من المرات .. بنات خالاتي يعلموني السواقة ..

وعملت حادث بعيييييد عنكم .. أصطدمت بالجذع النخلة .. وومرة اصطدمت بالبقر ..ههههههه

شكلي رايح تحفه .. وحلفت بعدها ما اسوق دباب بس اركبه ..

والصيفية إن شاء الله بروح اتعلم سواقة السيارة وأجيب معايا رخصة دولية ..

وأنتظر لمن يسمحوا لنا بالسواقة ..>>> دارية ان الشباب بيقولوا عشم ابليش بالجنة ..هههههه

حبة رز · 03-28-2008, 07:32 PM

شوفوا مطعم على البحر ..

وأنتم تختاروا أحد المجالس اللي معمولة بالخشب والخسف ..

يا سلاااااااااااام روعة .. والجو مرررة يجنن .. البحر قدامكم ..

اشتقت لتايلاند مع اني توني جاية نفسي ارجع لها تاني ..

حبة رز · 03-28-2008, 07:38 PM

انا استئذننكم دحينة .. عشان الحق اذاكر بكرة عندي اختبار نهائي ..

ونكمل سفريتنا بوقت لاحق ..

وحابة أعلمكم .. إن شاء الله بنهاية الرحلة .. راح ازودكم ..

بأرقام الفنادق والقروبات السياحة اللي رحنا معاهم .. وأصور لكم بعض البطايق اللي عندي ..

وربنا يسهل .. ياالله سلام عليكم ..

و إذا حابين تستأجروا بيتنا اللي ببانكوك حياكم .. أول ليلتين مجانا ً هههههههههه

**يآسر** · 03-28-2008, 08:01 PM

ههههههه ماشاء الله مشاء الله ،، اجل جوله في شرق اسيا

ماشاء الله الحمد لله على السلامه ،،

والله ماشاء الله التقرير حلو ،، وتايلاند شكلها حلوة ،،

بس انا اتوقع اندونيسا احلى منها في الطبيعه والجو والامطار

اقتباس:

أذكر مرة من المرات .. بنات خالاتي يعلموني السواقة ..

وعملت حادث بعيييييد عنكم .. أصطدمت بالجذع النخلة .. وومرة اصطدمت بالبقر ..ههههههه

شكلي رايح تحفه .. وحلفت بعدها ما اسوق دباب بس اركبه ..

والصيفية إن شاء الله بروح اتعلم سواقة السيارة وأجيب معايا رخصة دولية ..

وأنتظر لمن يسمحوا لنا بالسواقة ..>>> دارية ان الشباب بيقولوا عشم ابليش بالجنة ..هههههه

ياشين البنات لاتعلمن السواقه ،، بتصير هوايل ،،

بس تصدقين وناسه الواحد بدل مايودي كل واحد يروح بنفسه مشواره ،،

تخيلي بنت تقول لابوها ابوي هات 20 بعبي بنزين التانكي فاضي خخخخ

والشكل بعد وهي تسوق كذا

مصيبه ،، مادري شلون بتشوفون الخط ،،

عاد لاسمحو بالسواقه انا بشتغل بمحطة بنزين ايه الشغل مو عيب << ايه هين

اقتباس:

شوفوا كيف التكاسي كيف حلوة تفتح النفس .. ملونة .. وروعة ..

اصفر و أحمر وأخضر وأزرق و بمبي و برتقالي .. وكل الألوان ..

والله وناسه الالوان تفتح النفس ،، حتى الواحد يوم كذا يكره الاتحاد مايركب الاصفر < بينطق ذا

اقتباس:

انا استئذننكم دحينة .. عشان الحق اذاكر بكرة عندي اختبار نهائي ..

ونكمل سفريتنا بوقت لاحق ..

وحابة أعلمكم .. إن شاء الله بنهاية الرحلة .. راح ازودكم ..

بأرقام الفنادق والقروبات السياحة اللي رحنا معاهم .. وأصور لكم بعض البطايق اللي عندي ..

وربنا يسهل .. ياالله سلام عليكم ..

و إذا حابين تستأجروا بيتنا اللي ببانكوك حياكم .. أول ليلتين مجانا ً هههههههههه

الله يوفقك بالاختبارات ،، والله الله بالمعلومات ،، ابي اشوف اسمك حبه رز الاوله على المملكه العربيه السعوديه الشقيقه ،،

دام الدعوة فيها ليلتين مجانا بجي

وبانتظار باقي التقرير ،،

يلا سلملم ،،

ياسر

حبة رز · 03-30-2008, 05:03 AM

مربحا ..نكمل موضوع السياحة ..

بس اليوم .. راح ننتقل إلى جنوب تايلاند ..

زي مدينة .. هات جاي - ومدينة .. سونغ كلا - ومدينة ساتوون ..

واللي معروف .. بأن الجنوب هي المنطقة التي تكثر فيها المسلمين ..

الموهوم الصور اللي بحطها لكم دحينه .. عن شلال و إسمه ..

شلال طوناشانغ .. واللي متواجد في مدينة هات جاي ..ويتميز بأنه سبع أدوار ..

مدخله بيكون زي الغابات .. كلهم أشجار ..والتنقل إلى الطوابق العليا إما بدرج أو نصعد الجبل

نفسه لان جذوعه من كبر حجمها عاملة لنا زي الدرج ..

لا تنسوا تاخذوا معاكم غيار .. لأنكم ما راح تقاوموا الموية البااااااااردة ..

والله يومها كان مرررررة فلة .. جلسنا ساعتين ننتظر الناس تروح عشان نسبح ونلعب بالموية ...هههههههههههههههههه

عشان كدا بالصورة مفيش حد .. وكمان في نفس اليوم .. هلطت علينا أمطااااااار .. والجو مررررة حلووو برررررررد ..

حبة رز · 03-30-2008, 05:56 AM

ومن الشلال ومدينة هات جاي .. تنوجه إلى ساتوون ..

حنزور منطقتين فيها ..

الأولى : عبارة عن جبل عالي مرررررررة .. وفيها كهف ..

و الكهف دا مدخله مرررررة صغير .. يعني الناس اللي زي حالاتي ..(مدبدبين ومظلزين )

عشان يدخلوا الكهف لازم يحبوووووا ههههههههههههههههههه ..اللي يبي الدحه ما يقول أحه ..

وبعد المدخل خلاص من الداخل عادي ممكن الواحد يوقف ويسرح ويمرح ..

وما شاء الله على الحكومة عاملين درج و زي الجسر بالخشب حتى يسمحوا للسائح التنقل بالداخل ..

بالنسبة لرسوم الدخول .. لأهل البلد النفر بريالين يعني 20 بات تايلندي ..

وللسياح الله أعلم ..هما أكيد بياخذوا الدبل والضعف ..يمكن يكون النفر ب10 ريال يعني 100بات ..

بحط لكم صور لها ..

بتكلم عن الرحلة التاية أو المنطقة التانية .. عبارة عن نهر طويل جدا ً ومدة الرحلة تقريبا ً ساعة ..

بنركب زوارق أو قوارب .. القارب الواحد يشيل 3 أشخاص .. 2 سياح وقائد الزورق ..

والقارب دا بيمر بجبل جدا ً رائع ويعبر من تحته والدنيا ظلام وفيه وطاويط .. وبينقط مويات

من الجبل دا ..من مناطق محددة .. وبعدين نخرج من تحت الجبل .. وتبحروا عادي ..

وراح يوقفوا لكم بمنطقة معينة .. عشان تلعبوا بموية النهر ..وبس ..

وأثناء العودة .. بتجي سيارة تستقبلكم .. وترجعكم لمكان ما بدأتم رحلتكم ..

وبرضه يحتاج إنكم تودوا معاكم ملابس غيارية ..

بالنسبة للصور .. ما قدرت أصور لكم .. ليــــــــــــــــــــــــــــش ؟؟

لأن نفس اليوم هلطت أمطار غزيرة .. والله من يوم ما رحنا إلين ما رجعنا البيت ..

تقريبا من الساعة 9 أو 10 الصباح لحدت الساعة 12 أو 1 الليل ..

فكان الجو مرررررة روعة .. أهم شئ أنبسطت .. الحمد الله ..

نرجع لصور الكهف .. ترا ما لها صور كثيرة .. لاني كنت أصور بالآيبود تبعي ..

وما فيها فلاش .. والصور طالعة ظلام بالداخل ما فيش لمبات .. غير اللمبات الصفر ..

من جوة الكهف .. حتشوف ترسيبات جيرية حجرية الموهوم مدري ايش يطلع ..من نفس الجبل ..

والترسيبات دي داخلة على جوه .. فمرة شكلها طالع حلووو .. وكمان في ترسيبات .. عاملة

زي الشعب المرجانية اللي بالبحر .. وفيها ترسيبات بتلع زي الألماس .. مرررة روعة ..

أنتم لمن بتسلطوا ضوء القبعة عليها بتشوفوا بريقها .. وممكن اللمس .. هما صح بيحطوا لافتات

ممنوع اللمس بس ما عليكم منهم .. المسوها قد ما تبغوا ههههههههه سوو زيي ..

وبس ما صورت كثير زي ما قلتلكم السبب .. بس صورتها بعيوني في براسي ..

شوفوا صورة المدخل والمخرج تبع الكهف ..

وهذا المكان اللي ترتاحوا فيه إذا تبعبتوا أثناء صعود الدرج ..

عبارة عن مظلة مسقفة .. معمولة بالخشب ..

وبكدا أنتهت رحلتنا .. ودا لوحة بإسم الكهف ..

---------------------------------------------------

و أستئذنكم أنا إلى أن نلتقي بوقت لاحق ..ونكمل الرحلة .. أكيد أنتم تعبانين من تمشية اليوم ..

روحوا ارتاحوا .. وأتغدوا وناموا .. وعبوا شنطكم .. لبكرة .. سلام عليكم ..

حبة رز · 04-03-2008, 10:57 PM

مراحب .. يا حلوين ..

مستعدين للرحلة الجديدة ..

طبعا ً .. دحين بعرض عليكم صور عشوائية لبعض الأماكن السياحة ..

لاني ما صورتها كثير ..

ودحين حنرجع للعاصمة بانكوك ( مدينة الملائكة )

ونحرك بالسيارة لمدة ساعتين عشان نوصل للمكان المتجهين إليه ..

منطقة جبلية ..وتحتها نهر .. رائعة جدا ً .. جو رباني .. وصفها بإختصار .. كأنكم في الريف ..

كثير نتفرج على الأفلام الأجنبية وخصوصا ً الانجليزية .. فيها ريف ..

وهي عبارة عن جبال عالية ومفروشة بالأعشاب والحشائش .. وحيوانات مفلته ..

أغنام .. أبقار .. أحصنة .. دجاج .. بالإضافة إلى أقفاص الحمام الغنّائية ..

والبيوت الخشيبة المسورة بأسور مخشبة .. شئ خيالي .. آخ بس حياة ما تتقاوم ..

نتفرج على الصور ..

-------- سيتم إضافة بقية الصور لاحقا .. نظرا لكبر حجم الصور .. الموقع يرفض رفعه -----------

حبة رز · 04-14-2008, 03:32 PM

الصوووووووور وصلت .. الصوررررررر جات ..

معليش على التأخير .. بس إيش نعمل ..

تعبت وأنا أفر ّ وأدور بالمواقع .. إلين حصلت موقع يرضى يرفع الصور عليه ..

نتفرج ..

وهذه الله يسلمكم .. بعض الصور لمكان ترفيهي للعائلة ..

مكان جدا ً رائع .. ويشبه مدينة الكاوبوي .. فيها أحصنة ..

ودبابات للي يحبون التطعيس بيها وسط الحشائش والأعشاب ..

وفيها ألعاب مائية ..وتلفريك .. وحاجات حلوة .. تستحق الزيارة ..

إسم المكان : Thong Somboon Club وطبعا هي في بانكوك ..

تبعد عنها حوالي 40 دقيقة بالسيارة والمنطقة إسمها PAKCHONG

بالنسبة للرسوم بتاع الدخول .. مجانا ً

والله ما ادري

ولا سألت .. لأني رحتها مع اللي يقربولنا .. وعلى أساس إحنا ضيوف عندها ..

فمشونا ببلاش

بنهاية الرحلة بحط لكم البوسترات والمطويات اللي جايبتها معايا ..

نتفرج عل الصور ..

حبة رز · 04-14-2008, 03:57 PM

اممممممم نسيت أقول على بعض التفاصيل الصغنتوتة ..

نظرا ً لأن المشاركة السابقة مزحومة شوية ..

حبيت أوضحها لكم هنا بمشاركة خالية من الصور ..

الصور الأولانية .. فيها زي الصندوق تبع الأحصنة أو الكاوبوي ..

على فكرة ممكن الواحد يستأجرها .. ومن جوة مرررررة حلووو ..

فيها سرير تبع سليب هاي :) (: أو سوفت دريمز .. ماعلينا أهم شئ إنه من هذه النوعيات ..

تشيل ما يقارب 5 أشخاص .. وفيها تليفزيون ..

والليلة طال عمركم .. بـ 600 أو 700 بات يعني 60 أو 70 ريال سعودي ..

وربي فلة .. ولا تنسوا مافيها مكيف .. بس فيها جو رباني ..

ومو بس كدا .. بإمكانك تشوي باليل .. وفي عندهم طبل وحركتات ..

وممكن أيضا تشعلوا النار للتدفئة وتخلوها تمشية شبابية أو عائلية ..

وفي كم لعبة للأطفال الصوغار .. بالإضافة إلى وجود دورات مياه نظيفة ومغاسل ..

وفي مسجد ممكن تسمعوا صوت الآذان ..

نصيحة للي بيروحها .. يأخذ معاه ملابس برد وجاكيتات وأصواف ..

وتيس صغير ... تشووووووه هناك ..

-------------------------------------------------

نتكلم عن المنطقة التانية ..

دوامهم .. مفتوحا يوميا ً من الساعة 8:30 صباحا ً إلى 6مساءً يعني المغرب ..

وعاملينها زي مخيمات الهنود الحمر + الكاوبوي ..

وغير كدا .. ممكن الواحد يبات .. لأنهم عاملين زي المنتجع السياحي ..

بس بالنسبة للخيم تبع الهنود ما اعرف كيف شكلها من الداخل ..

أنا شفتها من الخارج فقط .. وتستاهل أن الشخص يستكشف المنتجع ويبات ليلة فيها ..

فيها محل للتصوير .. يعني اللي حابب يأخذ صور تذكارية ..

كوشك يبع بعض الأشياء تبع الهنود الحمر .. ميداليات قبعات مصنوعة من الريش ..

أو حتى ملابس ... الخ .

عندهم مطعم ..

نتكلم عن رسوم الألعاب ..

بصفة عامة جميع الألعاب تذكرة موحدة السعر ..

التليفريك + السيارة بجميع أنواعها ( 4 أنواع ) + النزول الطيراني =

150 بات يعني بالريال السعودي 15 ريال ..كل لعبة تذكرته على حدة ..

أما الألعاب المائية مالعبتها فما اعرف كم قيمة تذكرتها وهي تقريبا زيها ..

خفنا نتبلل .. ونعدم سيارة الناس ..

حبة رز · 04-14-2008, 05:07 PM

ودحين يا حلوين ..

نغير شوي في تماشينا ..

ننتقل إلى العصر الحاضر والعمران ..

رحلتنا اليوم .. في بانكوك .. إلى منطقة سيام ..

و إلى مبنى .. إسمه .. سيام براكونغ ..

وعلى فكرة يا حلوين ..

دا المبنى يروحوا له المشاهير مغنيين او ممثلين .. دايمن ..

وبلتقوا فيع عرب بصفة عامة .. وإماراتين بصفة خاصة ..

[IMG]http://www.hongkonghustle.com/wp-*******/SiamParagon.jpg[/IMG]

[IMG]http://www.michaelyung.com/blog/wp-*******/uploads/2007/06/p5279389_x.jpg[/IMG]

نشوف صور للمبنى من الداخل ..

الدور تبع السينما ..

أدوار عادية .. كلها شوبينع shopping complex

وفيها دور للمطاعم .. ودور للرياضية fitness

نتكلم عن الأدوار ..هذا مبنى مرة كبير ومرة حلوو ..ومكون من 6 أدوار أساسية ..

نبدأ بالعرض التصاعدي ..

Bf ( الدور بي ) فيه سيام أوشين وارلد ( سيام عالم البحار )siam ocean world

وكمانة فيه الباركينغ parking .. مواقف سيارات ..

نتكلم عن عالم البحار ..

لمن تنزلوا الدور الأرضي .. بتلقوا ..

محل صغنن يبيع الأشياء الخاصة بالبحار دمى على شكل أسماك ..

بعض أدوات مكتبة .. ساعات .. ملابس أطفال .. حاجيات حلوة .. بس غالية حبتين ..

وجمب لمحل وحدة حورمة واقفة تبيع تذاكر الدخول ..

راح أعلمكم على رسوم الدخول .. هو صح غالي بس يستاهل ..

و أرخص من تماشي جدة ..

الرسوم للسيتيزن .. قصدي للتايلانديين ..

650 بات للفرد الواحد يعني ما يقارب 65 ريال ..

والصوغار مرة ببلاش ..

الرسوم بالنسبة للسياح والأجانب ..

الدخول للشخص الواحد 750 بات يعني مايقارب 75 ريال ..

الفرق 100 بات أو 10 ريالات ..

والبرنامج تبعهم يتضمن الأتي ..

اول شئ تتفرجوا على جميع الأسماك .. الغريبة العجيبة ..الكبيرة والصغيرة ..

وكل كائنات البحر .. في أسماك نيمو صغنتوتة مرررررررة تزنن ..

+ رحلة على مركب صغير .. مع مرشدة تعلمكم أنواع الأسماك ..

والله تخوف نشوف القرش من تحت القارب .. وكبييييييييير مرة ..

وتحتهم أسماك القرش عاملين أنفاق نمشي من تحتها ..

+ ببسي و آيس كريم مجانا ..

+ عرض لأسماك من الأحجام الكبيرة .. كيف يأكلوها .. عرض حي ..

وأخر شئ .. لمن تخلصوا فرجة وتمشية وتستمتعوا .. حتخرجوا على

المحل اللي بيبع الأشياء .. سبق ذكرها ..

لسا باقي ما خلصنا .. وبعدين نروح للدار السينما الصغنن ..جمبهم ..

وتدخلوا وتتفرج على مادة فلمية مدتها 30 دقيقة .. مرررررررة روعة وجنان ..

نصيحة .. إنكم تقعدوا بآخر صف .. عشان تستمتعوا ..

حتلبسوا نظارات .. وتحوسوا بأنكم بالفيلم ..

والله يستاهل 75 ريال .. ويا بلالالالااااااااااااااااااش ..

.. نشوف الصور ..

على فكرة هنا .. في حورمة واقفة وتقولك ..

you can touch the sea star

صورة النفق البحري الصغير ..

وزي ما قلت مجموعة من الاسماك والكائنات البحرية ..

حبة رز · 04-14-2008, 11:04 PM

نكمل ..

الدور اللي بعده إسمه ..Gf ( الدور جي )

منطقة طعام food hall وسوق ..

-----------------------------

الطابق الذي يليه إسمه : Mf ( الدور إم ) .

سوق للمجوهرات + ساعات ..

--------------------

الي بعده إسمه : 1F ( الدور الأول ) أو رقم واحد ..

ودا الدور سوق برضه .. للملابس .. والأحذية .. والحاجيات الأخرى ..

يعني ابو ماركات عالمية .. وفيه ذا بودي شوب .. International Fashion

-------------------------

الطابق اللي بعده إسمه : 2F ( الدور الثاني أو رقم 2)

برضه سوق بس ..

فاتحين محل للجمال تبع النساء Beauty&SPA

وفيه محل نظارات .. مكتبة تبيع كتب .. محل تصوير ..

-------------------

الطابق الذي يليه إسمه : 3f ( الدور الثالث أو رقم 3)

هذا الدور خاص بالمعيشة والتكنولوجيا ..

فيه مكتبة كتب - محل جوالات - محل للأثاث المنزلي ..كنب - أسرّة -مجالس - طاولة طعام ...الخ

---------------------------

الطابق اللي بعده إسمه : 4F (الدور الرابع أو رقم 4)

الدور الخاص بالرياضة .. world class GYM & FITNESS

-------------------------------

اللي بعده إسمه 5F( الدور الخامس أو رقم 5 )

ودا الدور اللي يحبوا قلبي .... هههههههههههههههههههه

وإسمه بارغون سيني بليكس .. دور السينما Paragon Cineplex

راح اتكلم لكم عن السينما في تايلاند لحاله .. و أو ضح لكم أسعاره التذاكر ..

--------------------------

الدور الأخير إسمه 6F ( الدور السادس أو الرقم 6 )

نصه تابع للسينما .. والنص الآخر إسمه سيام أوبرا Siam Opera

وبكدا خلصنا .. من المبني دا ...

نشوف صور للمبني .. بشكل عشوائي ..

[IMG]http://www.michaelyung.com/blog/wp-*******/uploads/2007/06/p5279379_x.jpg[/IMG]

حبة رز · 04-14-2008, 11:40 PM

بما إننا بنتكلم عن العماير والمباني .. والأسواق ..

يالله نشوف صور لمبنى تاني .. أو سوق تاني ..

إسمه : مركز أو سوق إم بي كي ..وهو في بانكوك في منطقة إسمها باتونام ..

MBK Center .. MBK Mall

وزي ما إتعودنا على أسواق تايلند .. 3 أشياء أساسية ..

بالنسبة للمراكز التجارية الأسواقية ..

منطقة طعام - سينما - وسوق ..

حابة أقولكم على معلومة .. بالنسبة لأسواق باتونام ..

كل الأسواق اللي في دا الشارع (باتونام).. يبيع على أساس ونظام 3 قطع بتخفيض ..

قطعه وحدة ماعليها تخفيض ..

يعني لو حبيتوا تشتروي ملابس مثلا ً ..

يقولك القطعة ب 350 أو حاجة كدا ..

بس إذا أشتريت 3 نديك هيا على أساس القطعة ب 199 بات ..

وفي كل أسواق تايلاند بصفة عاملين متفقين على سعر واحد ..

يا أما يكون ( 199- أو يكون - 99) بات .. ( 20 ريال أو 10 ريالات ) ..

ومرة ماسكين وملتزمين بدا المبدأ ..

و للأمانة بالنسبة لصور سوق mbk أنا مالحقت أصورها ..

فالصور دي ماخذتها من النت ..

حبة رز · 04-15-2008, 01:07 PM

نكمل موضوعنا وسفريتنا ..

نتكلم اليوم عن الترين سكاي thai train sky

لازم لازم تركبوا دا القطار مرررررررة سريع ومرررررة حلو ..

ومررررررررة رخيص ..

طبعا ً تذكرتها على حسب المنطقة اللي بتقصدوها ..

ومافي فرق بين الراكب التايلاندي أو السائح ..

لأنكم بتشتروها من آلة على الحائط ..

أول شئ بتشوفوا الخريطة أو الوجهة تبعكم .. وتشوفوا كم سعرها ..

وبتحطوا الcoines العملات المعدنية ( 10 بات أو 5بات )

وتطلع لكم البطاقة .. وبس ..

نشوف صور لها وللمناظر ..

وبشارة ..

الحكومة التايلاندية دحينه .. بيشتغلوا على سكك قطارية سمائية توصل للمطار ..

وقربوا ينتهوا منها تقريبا ..

يعني اللي بيسافر السنة الجاية أو الصيفة الجاية تقريبا ً تكون خلصت ..

أوكي .. أركم في وقت لاحق .. بمكان آخر ..see u soon

حبة رز · 04-15-2008, 11:04 PM

بما إننا تكلم سابقا عن العمران والأسواق ..

حأتطرق اليوم بالحديث عن أشهر أسوق تايلاند ..

سوق جدا ً رائع يفوق الوصف ..

سوق قديم وشعبي .. أكثر السياح زيارة ً ..

وبصراحة ما يتقاوم لازم ترحوه ..

يبعد عن العاصمة بانكوك 100 كيلو .. يعني ساعة وحدة بالسيارة ..

إسمة السوق العائم ..بالتايلاندي ( تلات نام ) بالإنجليزي

Damnern Saduak floating market

ببساطة بشرحها لكم ..

عبارة عن تسوق فوق القارب ( القوارب )

القارب الواحد يشيل ما يقارب 5 اشخاص ..

مرررررررة حلووووو ومررررررة فلة ..

وكل البياعين برضه فوق القوارب ..

القوارب كلها كدا ملصقين جمب بعض ..

أنتبهوا .. السلع جداً غالية ..

أنتم حالوا تنزلوا السعر بقد ما تقدروا ..

فالنفرض مثلا الفاكهة .. وليكن الأناناس ..

تقولك الحورمة اللي تبيع الكيلوا ب100 بات ..

أنتم قولوا لها الكيلوا ب 25 بات ..وعندوا .. وإذا ما رضيت أخسروها ..

والله حترجع وتنادي عليكم وتبيعكم ..

ههههههههههههههههه لازم الواحد يعمل كدا ..ولا بعدين يتلفح بالأسعار ..

الأمريكان والأجانب كدا يعاملوهم ههههههههههههههههه

أو إنكم تكونوا عارفين اللغة السيامية مافيها مشاكل ..

ويبعوا كل شئ .. فواكهه ومأكولات .. وملابس ..وشنط يدوية .. وقبعات ..

وتذكارات كتحف و......................................الخ ..

بقولكم على حكاية صارت لي ..

في وحدة حورمة تبيع ضفادع وعصيان .. إذا مسكت الضفدعة وفركت العصاية على ظهرها

بتطلع صوت زي صوت الضفادع .. وهذه معمولة بالخشب ..

شفتها العام ببتايا لمن سافرت مع بابا وشريت الأحجام الكبيرة 4 ب 120بات .

وهذه المرة شفت في دا السوق بس الاحجام الصغيرة اتجننت عليها ..

واقول لماما أسأليها بكم .. قالت الواحدة ب 100 بات ..

قمت زعلت .. وتركتها ..

مشينا بقاربنا على قدام شوي وشفت رجال يبعها ..

فسألته بكم قالي الوحدة ب100 .. قلت له 3 ب100 قال لي لا ..

وخسرتة لمن جينا نروح قال تعالي وجر ّ قاربنا عليه واعطاني 3ب 100 بات ..

نصيحة لمن تشتروا ..

لا تأخذوا حبة .. خذوا كميات وأخسفوا السعر ..

يعني اللي حبة بمية .. خذوا 4 أو 5 بمية ..

رسوم ركوب القارب النفر=150 بات تايلاندي يعني 15 ريال سعودي ..

ولمن تركبوا القارب بيجي رجال معاه كاميرا ..يصوركم ..

أنتم ابتسموا وزبطوا حالكم ..

لأنه بعد ما تخرجوا من السوق راح يحطوا صوركم بصحون لها ساند

وعليها اسم السوق مرررررررة حلوة .. سعرها 150 بات صافي .. بدون تنقيص

اللي يبغى يشتريها واللي مو عاجبته صورته يتركها عندهم .. حيقطعوا الصورة لاحقا ً ..

نشوف الصور ..

الكور الملونة هذه اللي بالصورة عبارة عن لمبات سهارية مرررة حلوة ..

شوفوا الموز مرررررررة حلوووو .. صغنن .. الحبة تتاكل بلقمة واحدة بس ههههههههههه

موز مقلي ..

شوفوا صورة لأصغر بصل وثوم .. يا ناسوا عليهم .. مرة صغنانين .. يزننوا ..

الجوافة ملونة .. الجوافة الخضرة الكبيرة ..

والجوافة الحمرة الصغيرة ..

حتى إنهم يبعوا مشروبات ..

شوفوا البرتقال الكبير .. اللي نقول إحنا

03-28-2008, 06:27 PM	#2
حبة رز المراقب العام	رد: تايلاند المدهشة .. على قولتهم اميزينج تايلاند .. صور من شوارع العاصمة تايلند .. شفته دا الدباب ابو 3 كفرات .. على فكرة أقاربي اللي بتايلاند يتريقوا عليا .. لاني عمري ما ركبته اخاف منه .. ولد خالتي نكت عليا قالي : اللي يجي تايلاند وما يركب الطوقطوق ما كأنه جاء تايلاند .. وبعدين اتشجعت وركبته ... والله مرة حلوووو ..

03-28-2008, 06:35 PM	#3
حبة رز المراقب العام	رد: تايلاند المدهشة .. على قولتهم اميزينج تايلاند .. شوفوا كيف التكاسي كيف حلوة تفتح النفس .. ملونة .. وروعة .. اصفر و أحمر وأخضر وأزرق و بمبي و برتقالي .. وكل الألوان ..

03-28-2008, 07:18 PM	#4
حبة رز المراقب العام	رد: تايلاند المدهشة .. على قولتهم اميزينج تايلاند .. وعلى فكرة عندهم مساجد .. في كل مدينة .. وهذا المسجد في العاصمة بانكوك .. على طريق المطار ..وفي مسجد تاني بعده وإسمه مسجد العلوم .. وهو على نفس .. الطريق اللي يودي على المطار .. ولو عملتوا U-turn ورجعتوا على الطريق المعاكس .. بتلقوا مطعم إسمه مطعم الهلال .. حق مسلمين .. مررررررررة حلوو .. وبالليل بعملوا بوفيه .. يعني انت تشوي بنفسك وتاكل لمن تشبع .. وحسابهم .. النفر ب 10 ريال = 100 بات تايلندي .. يا بلااااااااااااااش فيه ايس كريم .. وفواكه .. وكل مالذ وطاب ..من جد يستحق الزيارة .. أما المشروبات زي الموية والثلج حسابه غير منفصل .. شوفوا .. حريم وبنات .. يسوقوا دبابات .. وربي فلللللللة .. أذكر مرة من المرات .. بنات خالاتي يعلموني السواقة .. وعملت حادث بعيييييد عنكم .. أصطدمت بالجذع النخلة .. وومرة اصطدمت بالبقر ..ههههههه شكلي رايح تحفه .. وحلفت بعدها ما اسوق دباب بس اركبه .. والصيفية إن شاء الله بروح اتعلم سواقة السيارة وأجيب معايا رخصة دولية .. وأنتظر لمن يسمحوا لنا بالسواقة ..>>> دارية ان الشباب بيقولوا عشم ابليش بالجنة ..هههههه التعديل الأخير تم بواسطة حبة رز ; 03-28-2008 الساعة 07:21 PM.

03-28-2008, 07:32 PM	#5
حبة رز المراقب العام	رد: تايلاند المدهشة .. على قولتهم اميزينج تايلاند .. شوفوا مطعم على البحر .. وأنتم تختاروا أحد المجالس اللي معمولة بالخشب والخسف .. يا سلاااااااااااام روعة .. والجو مرررة يجنن .. البحر قدامكم .. اشتقت لتايلاند مع اني توني جاية نفسي ارجع لها تاني ..

03-28-2008, 07:38 PM	#6
حبة رز المراقب العام	رد: تايلاند المدهشة .. على قولتهم اميزينج تايلاند .. انا استئذننكم دحينة .. عشان الحق اذاكر بكرة عندي اختبار نهائي .. ونكمل سفريتنا بوقت لاحق .. وحابة أعلمكم .. إن شاء الله بنهاية الرحلة .. راح ازودكم .. بأرقام الفنادق والقروبات السياحة اللي رحنا معاهم .. وأصور لكم بعض البطايق اللي عندي .. وربنا يسهل .. ياالله سلام عليكم .. و إذا حابين تستأجروا بيتنا اللي ببانكوك حياكم .. أول ليلتين مجانا ً هههههههههه

03-30-2008, 05:03 AM	#8
حبة رز المراقب العام	رد: تايلاند المدهشة .. على قولتهم اميزينج تايلاند .. مربحا ..نكمل موضوع السياحة .. بس اليوم .. راح ننتقل إلى جنوب تايلاند .. زي مدينة .. هات جاي - ومدينة .. سونغ كلا - ومدينة ساتوون .. واللي معروف .. بأن الجنوب هي المنطقة التي تكثر فيها المسلمين .. الموهوم الصور اللي بحطها لكم دحينه .. عن شلال و إسمه .. شلال طوناشانغ .. واللي متواجد في مدينة هات جاي ..ويتميز بأنه سبع أدوار .. مدخله بيكون زي الغابات .. كلهم أشجار ..والتنقل إلى الطوابق العليا إما بدرج أو نصعد الجبل نفسه لان جذوعه من كبر حجمها عاملة لنا زي الدرج .. لا تنسوا تاخذوا معاكم غيار .. لأنكم ما راح تقاوموا الموية البااااااااردة .. والله يومها كان مرررررة فلة .. جلسنا ساعتين ننتظر الناس تروح عشان نسبح ونلعب بالموية ...هههههههههههههههههه عشان كدا بالصورة مفيش حد .. وكمان في نفس اليوم .. هلطت علينا أمطااااااار .. والجو مررررة حلووو برررررررد .. التعديل الأخير تم بواسطة حبة رز ; 03-30-2008 الساعة 06:11 AM. سبب آخر: إضافة صور

03-30-2008, 05:56 AM	#9
حبة رز المراقب العام	رد: تايلاند المدهشة .. على قولتهم اميزينج تايلاند .. ومن الشلال ومدينة هات جاي .. تنوجه إلى ساتوون .. حنزور منطقتين فيها .. الأولى : عبارة عن جبل عالي مرررررررة .. وفيها كهف .. و الكهف دا مدخله مرررررة صغير .. يعني الناس اللي زي حالاتي ..(مدبدبين ومظلزين ) عشان يدخلوا الكهف لازم يحبوووووا ههههههههههههههههههه ..اللي يبي الدحه ما يقول أحه .. وبعد المدخل خلاص من الداخل عادي ممكن الواحد يوقف ويسرح ويمرح .. وما شاء الله على الحكومة عاملين درج و زي الجسر بالخشب حتى يسمحوا للسائح التنقل بالداخل .. بالنسبة لرسوم الدخول .. لأهل البلد النفر بريالين يعني 20 بات تايلندي .. وللسياح الله أعلم ..هما أكيد بياخذوا الدبل والضعف ..يمكن يكون النفر ب10 ريال يعني 100بات .. بحط لكم صور لها .. بتكلم عن الرحلة التاية أو المنطقة التانية .. عبارة عن نهر طويل جدا ً ومدة الرحلة تقريبا ً ساعة .. بنركب زوارق أو قوارب .. القارب الواحد يشيل 3 أشخاص .. 2 سياح وقائد الزورق .. والقارب دا بيمر بجبل جدا ً رائع ويعبر من تحته والدنيا ظلام وفيه وطاويط .. وبينقط مويات من الجبل دا ..من مناطق محددة .. وبعدين نخرج من تحت الجبل .. وتبحروا عادي .. وراح يوقفوا لكم بمنطقة معينة .. عشان تلعبوا بموية النهر ..وبس .. وأثناء العودة .. بتجي سيارة تستقبلكم .. وترجعكم لمكان ما بدأتم رحلتكم .. وبرضه يحتاج إنكم تودوا معاكم ملابس غيارية .. بالنسبة للصور .. ما قدرت أصور لكم .. ليــــــــــــــــــــــــــــش ؟؟ لأن نفس اليوم هلطت أمطار غزيرة .. والله من يوم ما رحنا إلين ما رجعنا البيت .. تقريبا من الساعة 9 أو 10 الصباح لحدت الساعة 12 أو 1 الليل .. فكان الجو مرررررة روعة .. أهم شئ أنبسطت .. الحمد الله .. نرجع لصور الكهف .. ترا ما لها صور كثيرة .. لاني كنت أصور بالآيبود تبعي .. وما فيها فلاش .. والصور طالعة ظلام بالداخل ما فيش لمبات .. غير اللمبات الصفر .. من جوة الكهف .. حتشوف ترسيبات جيرية حجرية الموهوم مدري ايش يطلع ..من نفس الجبل .. والترسيبات دي داخلة على جوه .. فمرة شكلها طالع حلووو .. وكمان في ترسيبات .. عاملة زي الشعب المرجانية اللي بالبحر .. وفيها ترسيبات بتلع زي الألماس .. مرررة روعة .. أنتم لمن بتسلطوا ضوء القبعة عليها بتشوفوا بريقها .. وممكن اللمس .. هما صح بيحطوا لافتات ممنوع اللمس بس ما عليكم منهم .. المسوها قد ما تبغوا ههههههههه سوو زيي .. وبس ما صورت كثير زي ما قلتلكم السبب .. بس صورتها بعيوني في براسي .. شوفوا صورة المدخل والمخرج تبع الكهف .. وهذا المكان اللي ترتاحوا فيه إذا تبعبتوا أثناء صعود الدرج .. عبارة عن مظلة مسقفة .. معمولة بالخشب .. وبكدا أنتهت رحلتنا .. ودا لوحة بإسم الكهف .. --------------------------------------------------- و أستئذنكم أنا إلى أن نلتقي بوقت لاحق ..ونكمل الرحلة .. أكيد أنتم تعبانين من تمشية اليوم .. روحوا ارتاحوا .. وأتغدوا وناموا .. وعبوا شنطكم .. لبكرة .. سلام عليكم ..

04-03-2008, 10:57 PM	#10
حبة رز المراقب العام	رد: تايلاند المدهشة .. على قولتهم اميزينج تايلاند .. مراحب .. يا حلوين .. مستعدين للرحلة الجديدة .. طبعا ً .. دحين بعرض عليكم صور عشوائية لبعض الأماكن السياحة .. لاني ما صورتها كثير .. ودحين حنرجع للعاصمة بانكوك ( مدينة الملائكة ) ونحرك بالسيارة لمدة ساعتين عشان نوصل للمكان المتجهين إليه .. منطقة جبلية ..وتحتها نهر .. رائعة جدا ً .. جو رباني .. وصفها بإختصار .. كأنكم في الريف .. كثير نتفرج على الأفلام الأجنبية وخصوصا ً الانجليزية .. فيها ريف .. وهي عبارة عن جبال عالية ومفروشة بالأعشاب والحشائش .. وحيوانات مفلته .. أغنام .. أبقار .. أحصنة .. دجاج .. بالإضافة إلى أقفاص الحمام الغنّائية .. والبيوت الخشيبة المسورة بأسور مخشبة .. شئ خيالي .. آخ بس حياة ما تتقاوم .. نتفرج على الصور .. -------- سيتم إضافة بقية الصور لاحقا .. نظرا لكبر حجم الصور .. الموقع يرفض رفعه -----------

04-14-2008, 03:32 PM	#11
حبة رز المراقب العام	رد: تايلاند المدهشة .. على قولتهم اميزينج تايلاند .. الصوووووووور وصلت .. الصوررررررر جات .. معليش على التأخير .. بس إيش نعمل .. تعبت وأنا أفر ّ وأدور بالمواقع .. إلين حصلت موقع يرضى يرفع الصور عليه .. نتفرج .. وهذه الله يسلمكم .. بعض الصور لمكان ترفيهي للعائلة .. مكان جدا ً رائع .. ويشبه مدينة الكاوبوي .. فيها أحصنة .. ودبابات للي يحبون التطعيس بيها وسط الحشائش والأعشاب .. وفيها ألعاب مائية ..وتلفريك .. وحاجات حلوة .. تستحق الزيارة .. إسم المكان : Thong Somboon Club وطبعا هي في بانكوك .. تبعد عنها حوالي 40 دقيقة بالسيارة والمنطقة إسمها PAKCHONG بالنسبة للرسوم بتاع الدخول .. مجانا ً والله ما ادري ولا سألت .. لأني رحتها مع اللي يقربولنا .. وعلى أساس إحنا ضيوف عندها .. فمشونا ببلاش بنهاية الرحلة بحط لكم البوسترات والمطويات اللي جايبتها معايا .. نتفرج عل الصور .. التعديل الأخير تم بواسطة حبة رز ; 04-14-2008 الساعة 04:03 PM. سبب آخر: إضافة صور

04-14-2008, 03:57 PM	#12
حبة رز المراقب العام	رد: تايلاند المدهشة .. على قولتهم اميزينج تايلاند .. اممممممم نسيت أقول على بعض التفاصيل الصغنتوتة .. نظرا ً لأن المشاركة السابقة مزحومة شوية .. حبيت أوضحها لكم هنا بمشاركة خالية من الصور .. الصور الأولانية .. فيها زي الصندوق تبع الأحصنة أو الكاوبوي .. على فكرة ممكن الواحد يستأجرها .. ومن جوة مرررررة حلووو .. فيها سرير تبع سليب هاي :) (: أو سوفت دريمز .. ماعلينا أهم شئ إنه من هذه النوعيات .. تشيل ما يقارب 5 أشخاص .. وفيها تليفزيون .. والليلة طال عمركم .. بـ 600 أو 700 بات يعني 60 أو 70 ريال سعودي .. وربي فلة .. ولا تنسوا مافيها مكيف .. بس فيها جو رباني .. ومو بس كدا .. بإمكانك تشوي باليل .. وفي عندهم طبل وحركتات .. وممكن أيضا تشعلوا النار للتدفئة وتخلوها تمشية شبابية أو عائلية .. وفي كم لعبة للأطفال الصوغار .. بالإضافة إلى وجود دورات مياه نظيفة ومغاسل .. وفي مسجد ممكن تسمعوا صوت الآذان .. نصيحة للي بيروحها .. يأخذ معاه ملابس برد وجاكيتات وأصواف .. وتيس صغير ... تشووووووه هناك .. ------------------------------------------------- نتكلم عن المنطقة التانية .. دوامهم .. مفتوحا يوميا ً من الساعة 8:30 صباحا ً إلى 6مساءً يعني المغرب .. وعاملينها زي مخيمات الهنود الحمر + الكاوبوي .. وغير كدا .. ممكن الواحد يبات .. لأنهم عاملين زي المنتجع السياحي .. بس بالنسبة للخيم تبع الهنود ما اعرف كيف شكلها من الداخل .. أنا شفتها من الخارج فقط .. وتستاهل أن الشخص يستكشف المنتجع ويبات ليلة فيها .. فيها محل للتصوير .. يعني اللي حابب يأخذ صور تذكارية .. كوشك يبع بعض الأشياء تبع الهنود الحمر .. ميداليات قبعات مصنوعة من الريش .. أو حتى ملابس ... الخ . عندهم مطعم .. نتكلم عن رسوم الألعاب .. بصفة عامة جميع الألعاب تذكرة موحدة السعر .. التليفريك + السيارة بجميع أنواعها ( 4 أنواع ) + النزول الطيراني = 150 بات يعني بالريال السعودي 15 ريال ..كل لعبة تذكرته على حدة .. أما الألعاب المائية مالعبتها فما اعرف كم قيمة تذكرتها وهي تقريبا زيها .. خفنا نتبلل .. ونعدم سيارة الناس ..

04-14-2008, 05:07 PM	#13
حبة رز المراقب العام	رد: تايلاند المدهشة .. على قولتهم اميزينج تايلاند .. ودحين يا حلوين .. نغير شوي في تماشينا .. ننتقل إلى العصر الحاضر والعمران .. رحلتنا اليوم .. في بانكوك .. إلى منطقة سيام .. و إلى مبنى .. إسمه .. سيام براكونغ .. وعلى فكرة يا حلوين .. دا المبنى يروحوا له المشاهير مغنيين او ممثلين .. دايمن .. وبلتقوا فيع عرب بصفة عامة .. وإماراتين بصفة خاصة .. [IMG]http://www.hongkonghustle.com/wp-*****/SiamParagon.jpg[/IMG] [IMG]http://www.michaelyung.com/blog/wp-*****/uploads/2007/06/p5279389_x.jpg[/IMG] نشوف صور للمبنى من الداخل .. الدور تبع السينما .. أدوار عادية .. كلها شوبينع shopping complex وفيها دور للمطاعم .. ودور للرياضية fitness نتكلم عن الأدوار ..هذا مبنى مرة كبير ومرة حلوو ..ومكون من 6 أدوار أساسية .. نبدأ بالعرض التصاعدي .. Bf ( الدور بي ) فيه سيام أوشين وارلد ( سيام عالم البحار )siam ocean world وكمانة فيه الباركينغ parking .. مواقف سيارات .. نتكلم عن عالم البحار .. لمن تنزلوا الدور الأرضي .. بتلقوا .. محل صغنن يبيع الأشياء الخاصة بالبحار دمى على شكل أسماك .. بعض أدوات مكتبة .. ساعات .. ملابس أطفال .. حاجيات حلوة .. بس غالية حبتين .. وجمب لمحل وحدة حورمة واقفة تبيع تذاكر الدخول .. راح أعلمكم على رسوم الدخول .. هو صح غالي بس يستاهل .. و أرخص من تماشي جدة .. الرسوم للسيتيزن .. قصدي للتايلانديين .. 650 بات للفرد الواحد يعني ما يقارب 65 ريال .. والصوغار مرة ببلاش .. الرسوم بالنسبة للسياح والأجانب .. الدخول للشخص الواحد 750 بات يعني مايقارب 75 ريال .. الفرق 100 بات أو 10 ريالات .. والبرنامج تبعهم يتضمن الأتي .. اول شئ تتفرجوا على جميع الأسماك .. الغريبة العجيبة ..الكبيرة والصغيرة .. وكل كائنات البحر .. في أسماك نيمو صغنتوتة مرررررررة تزنن .. + رحلة على مركب صغير .. مع مرشدة تعلمكم أنواع الأسماك .. والله تخوف نشوف القرش من تحت القارب .. وكبييييييييير مرة .. وتحتهم أسماك القرش عاملين أنفاق نمشي من تحتها .. + ببسي و آيس كريم مجانا .. + عرض لأسماك من الأحجام الكبيرة .. كيف يأكلوها .. عرض حي .. وأخر شئ .. لمن تخلصوا فرجة وتمشية وتستمتعوا .. حتخرجوا على المحل اللي بيبع الأشياء .. سبق ذكرها .. لسا باقي ما خلصنا .. وبعدين نروح للدار السينما الصغنن ..جمبهم .. وتدخلوا وتتفرج على مادة فلمية مدتها 30 دقيقة .. مرررررررة روعة وجنان .. نصيحة .. إنكم تقعدوا بآخر صف .. عشان تستمتعوا .. حتلبسوا نظارات .. وتحوسوا بأنكم بالفيلم .. والله يستاهل 75 ريال .. ويا بلالالالااااااااااااااااااش .. .. نشوف الصور .. على فكرة هنا .. في حورمة واقفة وتقولك .. you can touch the sea star صورة النفق البحري الصغير .. وزي ما قلت مجموعة من الاسماك والكائنات البحرية ..

04-14-2008, 11:04 PM	#14
حبة رز المراقب العام	رد: تايلاند المدهشة .. على قولتهم اميزينج تايلاند .. نكمل .. الدور اللي بعده إسمه ..Gf ( الدور جي ) منطقة طعام food hall وسوق .. ----------------------------- الطابق الذي يليه إسمه : Mf ( الدور إم ) . سوق للمجوهرات + ساعات .. -------------------- الي بعده إسمه : 1F ( الدور الأول ) أو رقم واحد .. ودا الدور سوق برضه .. للملابس .. والأحذية .. والحاجيات الأخرى .. يعني ابو ماركات عالمية .. وفيه ذا بودي شوب .. International Fashion ------------------------- الطابق اللي بعده إسمه : 2F ( الدور الثاني أو رقم 2) برضه سوق بس .. فاتحين محل للجمال تبع النساء Beauty&SPA وفيه محل نظارات .. مكتبة تبيع كتب .. محل تصوير .. ------------------- الطابق الذي يليه إسمه : 3f ( الدور الثالث أو رقم 3) هذا الدور خاص بالمعيشة والتكنولوجيا .. فيه مكتبة كتب - محل جوالات - محل للأثاث المنزلي ..كنب - أسرّة -مجالس - طاولة طعام ...الخ --------------------------- الطابق اللي بعده إسمه : 4F (الدور الرابع أو رقم 4) الدور الخاص بالرياضة .. world class GYM & FITNESS ------------------------------- اللي بعده إسمه 5F( الدور الخامس أو رقم 5 ) ودا الدور اللي يحبوا قلبي .... هههههههههههههههههههه وإسمه بارغون سيني بليكس .. دور السينما Paragon Cineplex راح اتكلم لكم عن السينما في تايلاند لحاله .. و أو ضح لكم أسعاره التذاكر .. -------------------------- الدور الأخير إسمه 6F ( الدور السادس أو الرقم 6 ) نصه تابع للسينما .. والنص الآخر إسمه سيام أوبرا Siam Opera وبكدا خلصنا .. من المبني دا ... نشوف صور للمبني .. بشكل عشوائي .. [IMG]http://www.michaelyung.com/blog/wp-*******/uploads/2007/06/p5279379_x.jpg[/IMG]

04-14-2008, 11:40 PM	#15
حبة رز المراقب العام	رد: تايلاند المدهشة .. على قولتهم اميزينج تايلاند .. بما إننا بنتكلم عن العماير والمباني .. والأسواق .. يالله نشوف صور لمبنى تاني .. أو سوق تاني .. إسمه : مركز أو سوق إم بي كي ..وهو في بانكوك في منطقة إسمها باتونام .. MBK Center .. MBK Mall وزي ما إتعودنا على أسواق تايلند .. 3 أشياء أساسية .. بالنسبة للمراكز التجارية الأسواقية .. منطقة طعام - سينما - وسوق .. حابة أقولكم على معلومة .. بالنسبة لأسواق باتونام .. كل الأسواق اللي في دا الشارع (باتونام).. يبيع على أساس ونظام 3 قطع بتخفيض .. قطعه وحدة ماعليها تخفيض .. يعني لو حبيتوا تشتروي ملابس مثلا ً .. يقولك القطعة ب 350 أو حاجة كدا .. بس إذا أشتريت 3 نديك هيا على أساس القطعة ب 199 بات .. وفي كل أسواق تايلاند بصفة عاملين متفقين على سعر واحد .. يا أما يكون ( 199- أو يكون - 99) بات .. ( 20 ريال أو 10 ريالات ) .. ومرة ماسكين وملتزمين بدا المبدأ .. و للأمانة بالنسبة لصور سوق mbk أنا مالحقت أصورها .. فالصور دي ماخذتها من النت .. التعديل الأخير تم بواسطة حبة رز ; 04-14-2008 الساعة 11:44 PM.

04-15-2008, 01:07 PM	#16
حبة رز المراقب العام	رد: تايلاند المدهشة .. على قولتهم اميزينج تايلاند .. نكمل موضوعنا وسفريتنا .. نتكلم اليوم عن الترين سكاي thai train sky لازم لازم تركبوا دا القطار مرررررررة سريع ومرررررة حلو .. ومررررررررة رخيص .. طبعا ً تذكرتها على حسب المنطقة اللي بتقصدوها .. ومافي فرق بين الراكب التايلاندي أو السائح .. لأنكم بتشتروها من آلة على الحائط .. أول شئ بتشوفوا الخريطة أو الوجهة تبعكم .. وتشوفوا كم سعرها .. وبتحطوا الcoines العملات المعدنية ( 10 بات أو 5بات ) وتطلع لكم البطاقة .. وبس .. نشوف صور لها وللمناظر .. وبشارة .. الحكومة التايلاندية دحينه .. بيشتغلوا على سكك قطارية سمائية توصل للمطار .. وقربوا ينتهوا منها تقريبا .. يعني اللي بيسافر السنة الجاية أو الصيفة الجاية تقريبا ً تكون خلصت .. أوكي .. أركم في وقت لاحق .. بمكان آخر ..see u soon التعديل الأخير تم بواسطة حبة رز ; 04-17-2008 الساعة 02:27 PM.

تايلاند المدهشة .. على قولتهم اميزينج تايلاند ..

ركن السياحة والسفر